Sportsoho 2024年八月號內容包括:
奧運女力｜2024年8月號｜馬君正 x 陳諾思 x 盧善恩
#CoverStory #奧運女力 三位首戰奧運女將：馬君正 x 陳諾思 x 盧善恩
四年一度嘅世界體壇盛事，2024巴黎奧運將會喺26號盛大揭幕！
第一屆現代奧運會喺132年前舉辦，而今年奧運創造咗歷史，係歷來第一屆男女運動員比例1:1嘅奧運會，意義非凡！
今年有三十五位香港運動員得到出戰奧運嘅資格，當中不乏初登奧運舞台嘅女運動員。
今期Sportsoho專訪滑浪風帆代表 #馬君正、劍擊代表 #陳諾思、以及羽毛球代表 #盧善恩，分享佢哋成為運動員嘅心路歷程、到後來點樣得到哩個世界體育界殿堂嘅參加資格，回望佢哋嘅奧運夢！喺支持港隊之前，大家趁哩個機會認識新晉奧運女子力量啦！
封面插畫：Ar YU
#SideStory #遙不可及的意義 香港跆拳道奧運第一人 — #盧蔚豐
超過一百年嘅奧運歷史入面，唔少運動都去到近代先被奧委會列為正式項目。跆拳道喺2000年嘅悉尼奧運開始，成為恆常嘅正式項目。同單車、乒乓球及風帆等港隊嘅強項唔同，悉尼奧運至東京奧運嘅五屆賽事，都無任何一位香港跆拳道運動員成功打入奧運。直至今年，香港跆拳道界「歷史第一人」橫空出世，佢個名叫盧蔚豐！
哩位只有二十二歲但已經創造歷史嘅小將，會同大家深入咁回顧進軍奧運嘅過程。蔚豐創造歷史之路，稱得上峰迴路轉，有笑亦有淚。大家亦可以透過今次訪問，了解佢即將參戰巴黎奧運嘅心態，喺支持哩位香港跆拳道之光再次「踢出歷史」之前，熱身備課！
#SideStory #陳一樂與奧運的距離
介紹咗四位首征奧運嘅香港運動員之後，一位年僅十七歲、將來絕對有機會創造香港田徑史，跑出奧運標殺入100米短跑正賽嘅「奇才」嘅訪問，都不容錯過。
2007年出生嘅一樂，今年喺亞青賽100米勇奪銀牌，更加跑出10.38嘅PB，平香港U20青年紀錄！除咗塵封十四年嘅香港紀錄之外，一樂目標鎖定2028年嘅洛杉磯奧運會！今次訪問一樂同何君龍教練，佢哋會分析同奧運標十秒正嘅距離，同埋達成哩個至今並無香港人做到嘅時間嘅方向，亦會回顧一樂嘅跑步生涯，等大家可以了解，一樂有咩與眾不同嘅特質，會成為香港短跑界嘅未來希望。
#Junior道場 #拋磚引玉 五人足球加中學學界有冇得諗？
香港紅卍字會大埔卍慈中學足球隊教練張梓烽老師，係中國香港體育聯會大埔及北區分部足球賽事委員會成員之一。有執教五人足球以及營辦比賽經驗嘅張sir，認為除咗十一人足球之外，中學學界應該要普及化咁舉辦恆常嘅五人足球賽事，於是今年付諸實行，喺學體會協助之下，舉辦實驗性質嘅「大埔及北區中學分會校際五人足球比賽」，3個組別合共有43隊參與！
賽事經已喺7月頭完結，張sir希望比賽搞得有聲有色，幾年後成為學界恆常項目，而且感染其他分區都舉辦相同賽事，廣泛咁推廣五人足球。除咗作為召集人嘅張sir回顧首辦五人賽嘅困難同過程外，亦訪問咗多位參與今次賽事、本身有港隊以及港超青年軍經驗嘅領隊同學生，分享賽後感。
Sportsoho 第115期（2018年8月份）
Sportsoho 第114期（2018年7月份）
Sportsoho 第113期（2018年6月份）
Sportsoho 第112期（2018年5月份）
Sportsoho 第111期（2018年4月份）
Sportsoho 第110期（2018年3月份）
Sportsoho 第109期（2018年2月份）
Sportsoho 第108期（2018年1月份）
Sportsoho 第107期（2017年12月份）
Sportsoho 第106期（2017年11月份）
Sportsoho 第105期（2017年10月份）
Sportsoho 第104期（2017年9月份）
